رحلة يخت فى العين السخنة – book trip
عايز تقضى اجازة على السريع وتكون ممتعة وفيها نزول ميه وصيد سمك تبقى الرحلة دى ليك رحلة يخت فى العين السخنة هتقضى فيها احلى ويك اند هتفضى اجمل 10 ساعات على اليخت مع اصحابك او عائلتك وسط البحر وهتكون ذكريات متتنسيش
تفاصيل الرحلة :
اولا : في يخوت بتكون 10 افراد او 15 الي 20 او 30 فرد
ثانيا : اسعار المركب مثلا 10 تقريبا من 2200 الي 2700
حسب اليوم اللي انت طالع فيه (وسط الاسبوع او جمعه و سبت) وسط الاسبوع ارخص من الاجازات و طبعا الاعياد تقريبا السعر بيكون الضعف
ال 30 تقريبا من 4800 الي 5500 برده حسب اليوم
في رسم دخول للمارينا بالنسبه لمارينا وادي الدوم قدام بورتو السخنه (و ده انضف مكان تأجر منه مراكب) تقريبا 20 او 25 ج للفرد و العربيه الواحده البارك تقريبا برده 20 الي 25 ج
ثالثا : لو حد قالك لو عاوز تأجر نظارات علشان تتفرج علي شعب مرجانية قوله شكرا مش عاوزين (علشان مش هتشوف اي حاجه) و دول تبع رحلة يخت فى العين السخنة
رابعا : ايجار السناره تقريبا من 25 الي 30 ج و ممكن كمان يجيبلك الطعم (الافضل تتفق علي كل حاجه و انت بتحجز المركب حتي سعر الطعم)
و نصيحه لو انتم مثلا 10 افراد يكفيكم من 4 الي 5 سنارات و تبدلوا فيهم مش بالضروره كل واحد سناره ممكن كل 2 او 3 في واحده
خامسا : الاكل - و ده من الحاجات المهمه في الرحله
هتجيب اللي انت عاوزه من شاي و سكر و بيبسي و نسكافيه و مياة معدنيه
هتجيب مثلا حاجات الفطار و حاجات الغداء و المراكبي من واجبه و شغله علي المركب انه بياخد كل ده و هو يعملك الشاي و يظبطلك الفطار و يظبطلك الغداء (يطبخه لو جايب حاجات تتطبخ بس تكون جايب كل حاجه) في مقابل اكرامية المراكبي و المساعد اللي معاه تقول تقريبا 100 للفرد
المركب ال 10 عليا مراكبي و مساعد (200 ج) او لو مركب 30 ممكن يبقي عليها اكتر من 2 و طبعا علشان العدد و الشغل بيبقي اكبر
سادسا : عندك نشاط صيد و سباحة على رحلة يخت فى العين السخنة
الصيد هيكون من الصبح بدري لحد مثلا 11 و بيكون الصيد خف شويه و تبتدي الجو يحرر تنزل انت المياه لحد معاد الغداء يكون جاهز .. ممكن بعدها تصطاد شوية او تنزل تاني الميه براحتك
سابعا : مواعيد رحلة يخت في العين السخنة تقريبا من الساعه 6 او 7 صباحا الي 5 مساء و طبعا كل ما تروح بدري افضل لك علشان التأخير من وقتك
ثامنا : لازم تكون واخد معاك و كل اصحابك البطاقه او الباسبور علشان لو مش معاك ممكن متركبش المركب اصلا (الموضوع له علاقة بحرس الحدود مش من المركب)
اهم حاجه تختار المركب صح علشان يكون يوم حلو
اخر حاجه و اهم حاجه قبل ما تحجز المركب و تدفع عربون شوف اليوم اللي هتحجز فيه و أدخل شوف الجو اليوم ده عامل ايه ... لو حركة الرياح عاليه غير اليوم علشان لو في هواء جامد اليوم ده مش هتنبسط و ممكن متعرفش لا تصطاد و لا تنزل الميه ولا تعرف تخوض رياضة الغطس وعشان تعرف معلومات اكتر عن الغطس تابع معانا
لو بتفكر تحجز يوم ممتع شرفنا على الرابط دة
للمساعدة تواصل على 01121008869
 |
| إضافة شرح |
تعليقات
إرسال تعليق