مطاعم وكافيهات دهب
هتسافر دهب ؟ تعالو نعرف مطاعم و كافيهات دهب
خلاص نويت تجهز شنطتك وتشد الريحال على دهب ومش عارف الدنيا هناك ماشية ازاى ايه طيب والاسعار على اد الايد طيب واماكن الخروج انا عايز استغل كل دقيقة هناك ومش عايز اضيع وقت فى التدوير ومقارنة الاسعار انت هنا فى المكان الصح book trip
هتقلك على كل التفاصيل هناك
المطاعم والكافيهات بدهب
عشان متضيعش وقت هناك المطاعم مختلفة يعنى هناك فى الشرقى وفى الغربى
اولا : المطاعم الشرقيه فى دهب
1- كافية Every Day
يعتبر كافية every day من الكافيهات الشعبية المصرية لو رحت هناك هتلقى االديكور شعبى بسيط واثاث قديم بيطبع الروح الشعبية بالمكان الكافية على البحر والفيو جميل هناك ولو رحت البحر هتلقى مراجيح وهتلقى كمان فرقة موسيقية اوعى تضيع وقت الغروب على البحر دى دنيا تانية خالص عارف بتفكر فى ايه الاسعار هناك عادية خالص يعنى هتشربلك مشروب وتاكل ومش هتدفع كتير
 |
| Rvery Day Cafe |
2- كافية Downtown Cafe
الكافية دة بنرشحة للناس اصحاب الذوق الرفيع لأن الكافيه بداية من ديكوراته والخدمات اللي بيوفرها في المكان بتجذب أي زائر ليه و المراجيح بتاعته جميلة جداا و مفيش حاجة ادامك غير البحر فبتتمرجح و انت مرتاح مع اغاني فيروز مع مشروب لذيذ فانت كدة فى دنيا تانية خالص دة غير القعدة التانية قاعد على شبك وشايف طوب ملون مع موج البحر وتسمع طفطفة الظلط الطلبات هناك مش غالية ممكن الاسعار بتتراوح بين 20 جنية الى 45 جنية
 |
| downtown-cafe |
3- مطعم يم يم
لو عايز تفطر فول وطعمية سخنة يبقى هنروح على مطعم يم يم عشان مينفعش تبقى فى دهب ومتفطرش عنده احلى فول وطعميه وبطاطس وكل الاكلات الشعبيه المطعم دة يعتبر من المطاعم الشعبية هناك واللى بقدم الاكل المصرى الشعبى فول وطعمية وبطاطس ومسقعة كمان والاسعار مناسبة ومش غالى هتلقى المطعم دة فى او الممشى قريب من جميع الكافيهات هناك المطعم ومعاملة الناس هناك هتحس انك فى بيتك
 |
| مطعم يم يم |
4- مطعم Baba Ali
لو بتفكر تعقد قعدة عربى هتروح على مطعم بابا على المطعم دة بيقدم اكل طازح ومعروف باللحم الضان المشوى والفراخ بالنسبة للاسعار فهيا تعتبر مش غالية ومعروف ايضا بتقديم العصير الفرش الطازج مكان يستحق الزيارة
 |
| Baba Ali |
لو بتفكر تاكل لحوم او فراخ يبقى اطلع على المطعم دة هتلقية اول الممشى منطقة المشربة المطعم دة كمان بيقدم كفتة وشيش طاوق والاسعار بالمطعم دة تعتبر عادية أسعاره تتراوح بين 30-50-100 ج واشهر الاطباق اللى بيقدمها المطعم دة الفراخ المشوية والملوخية كمان دة غير منطقة الجلوس الجميلة المطله على البحر
6- كافيه Tea Garden
لو انت بتدور على مكان هادى يبقى المكان دة ليك فهوا مشهور بالراحة و عدم الضوضاء و به مكان كبير للجلوس والاسترخاء خاصتا فى المساء وكمان مشهور بالقهوة المميزة و المشروبات الباردة المنعشة
 |
| كافيهTea Garden |
7- مطعم عروس البحر
لو عاوز تاكل سمك يبقى اطلع هناك الاكل هناك حلو اوووووى الجمبري وسمك الناجل والشرفان وطاجن الكاليمارى والجاندوفلى وشوربة السى فوود والرز والبطارخ المشوية بالزبدة والسلطات لمن يهوي المأكولات البحرية أعتقد أنه خيار جيد لهم اسعار مناسبه للجميع
لو عاوز تاكل سمك يبقى اطلع هناك الاكل هناك حلو اوووووى الجمبري وسمك الناجل والشرفان وطاجن الكاليمارى والجاندوفلى وشوربة السى فوود والرز والبطارخ المشوية بالزبدة والسلطات لمن يهوي المأكولات البحرية أعتقد أنه خيار جيد لهم اسعار مناسبه للجميع
 |
| مطعم عروس البحر |
ثانيا : المطاعم الغربية فى دهب
1- مطعم Ralph's German Bakery
لو بتفكر تفطر فطار المانى خفيف فالمطعم دة مناسب ليك عشان هتلقى فيه حلويات غربية على الطراز الالمانى هتخش على اول حاجة كرواسون والدنش وعندك كمان الكعك المحشى بالأجبان أسعاره تترواح بين 15- 50جنيه
 |
مطعم Ralph's German Bakery |
2- مطعم أتانور Athanor Cafe-Pizzeria
لو فكرت ونفسك فى الباستا الايطالية يبقى نرشحلك المطعم ده كمان المطعم ده بيقدم بيتزا ايطالية الرفيعة وسندوتشات البرجر المشهور بيها , بعد متاكل والدنيا تمام تحلى طبعا تخش على الشوكولاته المشهور بيها والاسعار بالمطعم دة بتتراوح بين20- 80جنيه.
 |
| Athanor Cafe-Pizzeria |
3- مطعم لخبتيتا رامز وباولا
لو عايز تاكل بيتزا ايطالية فقط فبنرشح ليك المطعم دة عشان اللى شغالين فية ايطالين يعنى اصل البيتزا بتطلع منهم والاسعار بالمطعم دة بتتراوح بين 70 الى 150 جنية
 |
| مطعم لخبتيتا رامز وباولا |
4- ريد كات Red Cat
لو عايز تجرب الاكل الغربى والاخص المطبخ الروسى يبقى تروح على ريد كات في منطقة اللايت هاوس
نبداء بالبيتزا والمشهور بيها بيتزا تشيكن مشروم الحجم بتعها تقضى فردين و بيتزا تشيز لافرز واكتر من نوع الجبن اللى فيها حسب الطلب عايز تجرب حاجة جديدة مجربتهاش قبل كدة خش على شوربة البورش عبارة عن شوربة بنجر بالكريمة و اللحمه بعد متاكل والدنيا تمام اشرب ريد فيترو و ده عباره عن عصير بنجر بالجنزبيل بالتفاح والاسعار بالمطعم دة بتتراوح من 50 ج الى 150 جنية
5- كريب و بيتزا بشتيكها
وانت بتتمشى فى الممشى ونفسك فى كريب على السريع او بيتزا فنرشحلك المحل دة لسبب انو بيعمل الاكل ادامك يعنى بيتبل ويقلى ادامك ويعملك الكريب او البيتزا اللى نفسك فيها والاسعار هناك بتتراوح بين 35 ج الى 60 جنية
 |
| كريب و بيتزا بشتيكها |
6- مطعم بوكس ميل
لو عايز تجرب اكل اسيوى يبقى المطعم دة المنيو فى المطعم دة صغير بس فى اكل ممتاز عندهم عندهم الاكل الحار والنباتى لو عايز تجرب الدجاج ترياكى و دجاج الفلفل الاسود او اللحم البقرى
 |
| مطعم بوكس ميل |
7- قشطه وعسل
لو بتدور على مكان تاكل فية حلويات فقشطة وعسل من احسن الاماكن الى ممكن تاكل عندها حلويات
 |
| قشطه وعسل |
ثالثا : الكافيهات علي الممشي السياحي فى دهب
✔ تعالو نشوف احلى الكافيهات والاماكن الى ممكن تاخد عندها احلى صور الى هناك
1- كافيه every day
يعتبر الكافية دة من اشهر الكافيهات هناك بدهب خصوصا فى المساء اللى بيتوافد اليها الزوار بكثرة وبيكون فى فرقة موسيقية للعزف وعمل روح للزوار غير الحفلات والفاعليات التى تقام بها غير المراجيح المتواجد هناك
 |
| كافيه every day |
2- كافيه same same
الكافية دة احسن وقت ممكن تروح فية وقت الشروق عشان فيه 3 مراجيح على البحر دة غير المشروبات والعصائر اللى بيقدما مع اطلالة البحر الاسعار هناك من 15 ج الى 35 جنية
 |
| كافيه same same |
3- كافيه ومطعم علاء الدين
لو بتفكر تاكل اكلة سمك طازة وعلى البحر يبقى اطلع على المطعم دة اشربلك مشروب بعد الاكل
 |
| كافيه ومطعم علاء الدين |
4- البيت النوبي
لو عايز تعيش الحياة النوبية فالمطعم دة من اكتر الاماكن جمالا هناك هيعيشك الحياة النوبية وجمالها
 |
| البيت النوبى |
ملحوظة: الكافيهات بتفتح من 7 الصبح فلو عايز تتصور فى اماكن حلوة روح بدرى قبل الزحمى
رابعا : اشهر تلات اماكن علي الممشي مع فيو علي البحر:
-الفنار
-علي بابا
-فريندز
الثلاث اماكن دول مستوى واحد ومشهورين بالسمك والسمك السنجارى مخصوص ويا سلام لو معاها شوربه سي فود
الى هنا تنتهى رحلتنا وعلى السادة الزوار اخذ صور جميلة والتمتع بمدينة دهب
تعليقات
إرسال تعليق